1.0  Pemuka Jaku

Nitihka bup Fonologi Bahasa Iban ti ditengkebang Asmah Haji Omar enggau Rosline Sandai madahkan siku anak mit ti baru ada ti nadai menawa ulih ninga semua munyi ti ngelinggi iya, enda ngira munyi pengingar tauka munyi jaku. Dalam bup tu mega bisi nyebut lebuh nyau umur kira tiga bulan, nya baru iya ulih ngelala ni munyi jaku enggau pengingar. Iya ulih ngelala munyi jaku ari nyawa indai iya ti ngangauka nama iya, nyuruh iya nusu enggau nimang iya tinduk.

 Kitai tentu bisi tanya dalam ati nama kebuah kitai mesti bisi penemu dalam fonologi sereta belajarka iya. Dalam bup ti digaga Asmah Haji Omar enggau Rosline Sandai madahka fonologi nya siti ari chara kitai mansik munyi enggau sistem atur munyi dalam jaku ti beguna ba bala pengajar lebuh sida ngajar pelajar. Pelajar ba sekula begunaka ripih jalai ti formal dalam ngajar sebengkah-sebengkah bansa jaku.

Dalam bup Fonologi Bahasa Iban tu bisi nyebut orang ti landik dalam fonologi meratika penemu tu enggau guna iya dalam pansik jaku ari bemacham segi. Kitai enda ibuh irau ke gaya runding sida iya. Nya alai, kitai patut bendar bisi penemu ba senentang fonologi jaku Iban.

Dalam bup fonetik enggau fonologi ti ditulis Indrawati Zahid enggau Mardiah Shah Omar mantaika pansik pasal munyi jaku ti diasilka mensia. Dalam bup nya seduai iya ngupas baka ni munyi jaku mensia diasilka organ tauka rengka tubuh mensia,  lalu munyi tu bebida-bida entara siti munyi enggau siti munyi. Kelimpah ari nya, seduai iya mega beratika baka ni munyi jaku nya tau dikelaska nitih bansa munyi. Lalu pia mega, seduai iya mansik baka ni jalai peninga tau ngelala munyi ti diasilka orang ti bejaku enggau iya.

1.1  Reti fonetik enggau fonologi

Dalam Bup Fonologi Jaku Iban, madahka leka jaku fonologi tu datai ari dua leka jaku, iya nya leka jaku fon enggau logi : leka jaku keterubah mai reti “munyi” lalu ti kedua mai reti “penemu” tauka “pansik”. Jaku Melayu udah nya jaku Iban ngambi leka jaku tu ari jaku Inggeris iya nya phonology. Bup tu mega madahka enti kitai ngena jaku lansa, reti Fonologi tu pansik pasal munyi jaku, lebih agi munyi ti dikemisika dalam sebengkah-sebengkah bansa jaku.

Nya alai chara nyebut seleka jaku nya dikumbai Fonetik ti ngeluarka pekara dua bengkah tu iya nya jalai angin keluar ari lempuang ke nengah mulut tauka lubang idung sereta bisi tauka enda sekat dalam jalai angin nya.

Bup Fonologi Jaku Iban ti ditulis Rosline Sandai engggau Asmah Haji Omar madahka dalam Jaku Iban bisi raban jaku kitai nyebut “k” baka “k” ti sebaka enggau jaku Melayu. Chunto ti ulih dikena iya nya leka jaku “aku”. Nya alai, chara ti keterubah ti ulih dikena iya nya nulis transkripsyen fonetik nyadi [aku]. Chara ti kedua nanda iya bakatu [aķu].  

 Definisyen ti dipejuraika Malmberg, fonologi tu mih bidang dalam pelajar pasal jaku mensia ti mansik sistem munyi. Asil pansik iya madahka fonologi ulih dibagi ngagai empat bengkah. Empat bidang ke mit tu iya nya penemu fonetik rama, fonetik deskriptif,fonetik sejarah enggau fonetik normatif.

Bidang ti dikumbai fonetik rama tu iya nya mansik sebarang munyi jaku ti diasilka mensia sereta fungsyen mekanisme jaku ti pansut ari mulut mensia. Bagi ti kedua kenu ku Malmberg iya nya penemu senentang fonetik deskriptif. Fonetik deskriptif mansik leman dalam sesebengkah jaku tauka dialek jaku. Fonetik ti ketiga iya nya fonetik sejarah. Malmberg madahka pekara ti dipansik, iya nya baka ni fonetik berubah dalam sesebengkah jaku.Fonetik normatif ti dipansik Malmberg, ngemeranka pengawa beratika set raup (rumus) tauka atur ngena jalai jaku ti nentuka jaku ti disebut nya betul.

                           

1.2  Definisyen nitihka penemu anda jaku

Dalam bup  Pengenalan Fonetik dan Fonologi ti ditulis Paitoon M. Chaiyanara, madahka semua munyi jaku pansut ari mulut mensia. Nya alai bidang fonetik mansik rengka tubuh mensia ti ngasilka munyi jaku.

Dalam bup Linguistik Am ti ditulis Abdullah Hassan ti mansik leman munyi jaku ti dikena lebuh berandau. Iya mansik munyi ti didinga iya lalu munyi tu tadi dipechah-pechahka iya ngagai unit munyi ti mit agi, lalu udahnya nyeritaka nama pangka tauka biuh reti ngagai orang ti mendingka jaku nya. Iya mega nerangka ni bagi organ sebut ti ngasilka munyi jaku lalu nentuka sekalika munyi ti pansut nya begetar tauka enda, sekali peti sura nyawa nya tutup tauka tebuka.

Ari nya tadi, munyi ti pansut nya tau dikelas ngagai vokal enggau konsonan. Munyi nya tadi mega tau ditranskripsyenka, reti nya diberi lambang tauka simbol. Lambang nya mih ti disebut kitai lambang fonetik.

Nya alai Abdullah Hassan  mega mantaika pansik iya pasal sistem tauka struktur jaku. Nitihka penemu anda jaku tu, lebuh mansik fonologi tauka munyi jaku, kitai enda tau enda ngelala ni bagi fonem ti bisi dalam sesebengkah jaku lalu baka ni iya dikena dalam jaku nya.

Fonem nya unit jaku ti digaga dikena ngemudahka pengawa ngaga deskripsyen sistem munyi tauka fonologi. Mensia ulih ngasilka mayuh bengkah munyi tauka fon tang semina beberapa bengkah fon aja ti distingtif tauka nyelai. Fon tu mih ti ditusun sereta didijir nyadi leka jaku kitai mensia.

2.0  Mandingbida munyi vokal enggau konsonan

2.1  Munyi konsonan

	Munyi Konsonan	Munyi vokal
Reti	Dalam bup Fonologi Jaku Iban, madahaka konsonan nya munyi ti diasilka lebuh pejalai angin tersekat,betelisih, bekindas (friction) tauka diempang siti ari organ artikulasyen baka mulut, gusi,kelekanit lemi enggau rengka artikulasyen ke bukai.	Dalam Bup Fonologi Jaku Iban madahka munyi vokal nya mih munyi ti asilka ketegal nadai sebarang utai ngempang pejalai angin ba tempat artikulasyen.
Bida	Enti peti sura nyawa bergetar, munyi konsonan pansut	Enti peti sura nyawa nya enda begetar, munyi vokal didinga pansut.
	Munyi konsonan nyadi ketegal jaku ti tesekat tauka disekat dalam pejalai iya deka pansut ari rumbang nyawa tauka rumbang idung.	Munyi vokal nyadi ketegal angin enda tesekat lebuh maya pansut ari silak rumbang nyawa tauka lubang idung
	Munyi konsonan enda tentu terang didinga	Munyi vokal lebih terang didinga
	Alat artikulasyen nyekat pejalai angin	Alat artikulasyen enda nyekat pejalai angin

3.0  Ngeanalisis fonem vokal enggau konsonan

Fonem Vokal

                              I.        Pun leka jaku

	Tulin	Injau
/a/	/aku/ /aka?/ /alay/ /anaŋ/	/autonomi/ /automobil/ /audiovisual/ /atmosfəra/
/e/	-	-
/ə/	/ənti/ / ənda/ /ənsanus/ /əmpa/	/əksport/ /əstətik/ /əjən/ /əksyən/
/i/	/ini?/ / ili?/ / ika?/ /ila?/ / ilal?/ /ikak/	/injin/ /injinir/ /iməj/ /institut/
/o/	/orang/	/opərator/
/u/	/ukui/ /ulat/ /ulih/ /umay/ /uraᵑ/	/ubi/

                            II.        Antara konsonan

	Tulin	Injau
/a/	/manah/ /badas/ /səmak/ /ikak/	/ənsikal/ /səpital/ /pawal/ /əntukar/
/e/	-	-
/ə/	/pəndiŋ/ /ŋəlu/ /səpuh/ /kətuk/ /kətup/	/pəlin/ /sələju/ /gərəpu/ /opərator/
/i/	/bili?/ / tinduk/ /mihh/ /dih/ /təlih/	/divider/ /liberal/ /klip/ /krədit/
/o/	/koŋ/ /ko?go/	-
/u/	/kumaŋ/ /tulah/ /kutak/ /biŋkuk/ /kulat/	/tuman/ /spəktrum/ /institut/ /struktur/

                           III.        Ujung leka jaku

	Tulin	Injau
/a/	/tiga/ /ləka/ /nama/ /diŋa/ /baka?/ /bala/ /ɲala/ /nyala?/	/paradigma/ /nasionalisma/ /atmosfəra/ /sfəra/
/e/	/ŋare/ /tambə/ /ŋəmalə/	-
/ə/	/kə/	-
/i/	/ini/ /iti?/ /siti/ /ginti/ /keli/ /beli/	/təori/ /dinasti/ /psikologi/ /royalti/
/o/	/gəmbo/	/zoo/
/u/	/bubu/ /bubu?/ /ŋəlu/ /sinu/ /maku/ /palu/	-

                          IV.        Sebedau konsonan ba ujung leka jaku

	Tulin	Injau
/a/	/gamal/ /jampat/ /balat/ /kelat/ /pedaŋ/	/basikal/ /standard/ /chairman/ /motokar/
/e/	/akeh/	-
/ə/	-	/sistəm/ /hotəl/ /spəakər/ /mətər/
/i/	/apin/ /malin/ /ulih/ /ŋambi/ /mansai/	/apil/ /pin/ /miskin/ /pəlin/
/o/	/kucop/ /ejo/	/doktor/ /nombor/ /bol/ /tələfon/
/u/	/apus/ /ambun/ /palu/  /telu/ /tanju?/	/bonus/ /butul/ /muzium/ /lumur/

                            V.        Diftong

/ai/	/kəlai/ /ɲəlai/ /bəlai/ /bai/ /ai/ /jai/ /mansai/ /bəsai/ /kədai/
/au/	/tatau/ / langkau/ /makau/ / bədau/ /bəlau/ /bau/
/ui/	/kalui/ /ŋəlui/ /ɲəmbui/
/ua/	/pua?/ /lua?/ /əmpəlua?/ /tua/

Fonem konsonan

i.  Pun leka jaku

		Tulin	Injau
(Konsonan plosif nadai nyawa)	/p/	/padi/ /palan/ /pinaŋ/ /pəndiŋ/ /pulay/	/pangkiŋ/ /prəsiden/ /pam/ /prəmium/
	/t/	/tuli/ / təlu/ /təku?/ /təkuŋ/	/tələpon/ /tələvisyən/ /tələgraf/ /təknokrat/
	/k/	/ kala?/ /kəli/ /kitai/ /kəntut/  /kəlai/	/karaokə/ /kinsil/ /kədai/
Konsonan plosif bisi nyawa)	/b/	/bala/ /baka?/ /bəla/ /bira/	/biro/ /budiŋ/
	/d/	/dada/ /duku?/ /dai/ /daki?/datay/	/doktor/ /direktor/ /dialek/
(Konsonan nasal)	/m/	/məla/ /maya/ /mala/ /mayuh/ /mit/	/mark/ /mijum/ /nombor/ /mija/
	/n/	/ŋəpay/ /ŋəli/ /ŋəpun/ /ŋumbay/	/neuron/ /neon/
	/ŋ/	/ŋətup/ /ŋacaw/ /ŋəməly/ /ŋənan/	/koŋrəs/ /liŋuistik/ /
	/ɲ/	/ɲəlit/ /ɲikap/ /ɲəput/ /ɲumay/	-
Konsonan Afrikat	/c/	/chapi/ /chuka/ /chubit/ /cabə/	-
	/j/	/jəlu/ jugam/ /jəgan/ /jampat/	-
Konsonan Frikat	/s/	/suah/ /səkəda/ /siti/ /salay/	/səpatu/ /sərəga/ /stadium/ /stail/ /sətor/
	/h/	-	/hotel/ /harmoni/ /
Konsonan Lateral	/l/	/ləmay/ /laki/ laku/ /ləkat/	/lutur/ /lumur/
Konsonan bergetar	/r/	/rumah/ /ruwai/ /richah/ /raja/	/rətorik/ /rəkrut/
Setengah vokal	/w/	/woŋ/ /wayang/	/wiski/ /wisəl/
	/y/	/yaŋ/	-

ii.   Ba antara vokal

		Tulin	Injau
(Konsonan plosif nadai nyawa)	/p/	/səpuh/ /mampuh/ /apay/ /apin/	/ipul/ /apil/
	/t/	/butaŋ/ / /ŋətu/ /bata?/ /mata/ /mata?/	/səpital/ /lutur/
	/k/	/kaka/ /kaki/ /kikis/ /makay/ /aku/	/nəraka/ /karaokə/ /bikar/
Konsonan plosif bisi nyawa)	/b/	/bubu/ /bubo?/ /sabak/ /cabar/	/dəriba/ //libəral/ /
	/d/	/dada/ /badas/ /sida?/	/kədai/
(Konsonan nasal)	/m/	/rumah/ /makai/ /mala/ /mimit/	/həmatit/ /gəomətri/ /mamal/ /optimistik/
	/n/	/uban/ /	/unit/ /
	/ŋ/	/ŋənan/	-
	/ɲ/	-	-
Konsonan Afrikat	/c/	-	-
	/j/	/Bajik/ /bujaŋ/ /bukit/	/mija/ /
Konsonan Frikat	/s/	/bəsay/ /tusuy/ /kasut/	/sətəm/ /sətor/
	/h/	-	-
Konsonan Lateral	/l/	/jəlu/	/katalog/ /dialək/
Konsonan bergetar	/r/	/rari/ /gəray/ /bari/ /kəmari/	/opərator/ /kalori/ /kritəria/
Setengah vokal	/w/	/gaway/ /lawa/ /sawa/ /empelawa/	/wayang/ /kiwi/
	/y/	/gayu/ /buya/ /gaya/	/kayak/

iii.  Ba ujung leka jaku

		Tulin	Injau
(Konsonan plosif nadai nyawa)	/p/	/insap/ /nəlap/ /idup/ /silup/ /ənsəlup/	-
	/t/	/kəntut/ /səput/ /kəlut/ /pəlut/	/əksport/ /krədit/ /
	/k/	/təŋkuk/ /kətuk/ /tambak/ /sipak/	/rəpublik/ /abstrak/ /əstətik/
Konsonan plosif bisi nyawa)	/b/	-	/kəlab/ /
	/d/	-	/kad/ /wad/ /
(Konsonan nasal)	/m/	/təŋəlam/ /malam/ pəram/ /pəndam/	/prəmium/ /akuarium/ /
	/n/	/paŋan/ /əmpələman/ /səmun/ /dan/	/platun/ /kartun/ /paun/ /akaun/
	/ŋ/	/butaŋ/ /pədaŋ/ /kəliŋ/ /paŋ/	-
	/ɲ/	-	-
Konsonan Afrikat	/c/	-	-
	/j/	-	-
Konsonan Frikat	/s/	/abis/ /leŋis/ /bəlas/ /pədis/	/sains/ /suis/ /fətus/ /sərius/
	/h/	/bulih/ /təlih/ /bənih/ /labuh/ /ləbuh/	-
Konsonan Lateral	/l/	/gamal/ /mal/ /kuil/	/jurnal /pil/ /libəral/ /ipul/
Konsonan bergetar	/r/	/dapur/ /pantar/ /ipar/	/traktor/ /wayar/ /pastor/ /lutur/
Setengah vokal	/w/	/randaw/ /məraraw/ /məraw/	-
	/y/	/apay/ /maluy/ /paluy/ /ɲilui/	-

iv. Berimbai enggau konsonan bukai

		Tulin	Injau
(Konsonan plosif nadai nyawa)	/p/	/impun/ /pampap/ /mapap/ /əmpu/	/optimistik/ /pasport/ /əksprəs/
	/t/	/antu/ /ənti/ /saɲki/ /mantul/	/nəktai/
	/k/	/cəŋkik/ /ranŋkai/ /iŋkat/	/wiski/ /rəkrut/ /tələskop/
Konsonan plosif bisi nyawa)	/b/	/kəmbai/ /imbur/	/barbəkiu/ /karbon/
	/d/	/rundiŋ/ /əndun/ /bəndar/	-
(Konsonan nasal)	/m/	/təŋəlam/ /malam/ pəram/ /pəndam/	/kompləks/ /
	/n/	/paŋan/ /əmpələman/ /səmun/ /dan/	/koŋrəs/
	/ŋ/	/butaŋ/ /pədaŋ/ /kəliŋ/ /paŋ/	/liŋuistik/
	/ɲ/	-	-
Konsonan Afrikat	/c/	-	-
	/j/	-	-
Konsonan Frikat	/s/	/abis/ /leŋis/ /bəlas/ /pədis/	/sains/ /əksprəs/ /vaksin/ /dinasti/
	/h/	/bulih/ /təlih/ /bənih/ /labuh/ /ləbuh/	-
Konsonan Lateral	/l/	/gamal/ /mal/ /kuil/	-
Konsonan bergetar	/r/	/dapur/ /pantar/ /ipar/	/kartun/ /akru/ /koŋrəs/
Setengah vokal	/w/	-	-
	/y/	-	-

                       

3.1  Vokal beglotis

i.    Ujung leka jaku

/a?/	/baka?/ /ika?/ /mata?/ /kala?/
/i?/	/kili?/ /bili?/ /bəli?/ /kəli?/
/u?/	/duku?/ /təlu?/ /palu?/ /kəru?/

ii.   Diftong

/ai/	/pəlai?/ /ɲəlai?/ /tərai?/ /pəndai?/
/au/	/pərau?/ /bəlau?/ /bau?/
/ui/	/ŋəlui?/
/ua/	/pua?/ /lua?/ /əmpəlua?/

4.0  Simpul penemu

Fonetik tu mih bidang ti mansik pasal jaku kitai mensia. Ba bidang fonetik tu, batang pekara ti deka dipejuraika kitai baka ni munyi jaku diasilka organ sebut ba palan artikulasyen, baka ni munyi nya dikena lebuh maya bejaku, baka ni kitai tau ngerikut munyi tu ke dalam tukuh lambang tauka karang. Ukai semina nya aja, iya mega  ulih ngasuh kitai ninga sereta ngelala bemacham munyi jaku.

 Ba bidang tu mega kitai ngemeranka munyi ti beguna lebuh bejakuka, pemanjai munyi sereta enggau variasyen munyi nya. Nya alai symbol fonetik nya beguna amat laban symbol nya mih tanda ti ngelai munyi ti didinga kitai.

 Ari aspek auditori, pending kitai mensia endang senaka-naka iya pengelansik laban ulih mida bemacham munyi ti didinga lalu mida munyi vokal, konsonan enggau diftong tauka munyi bukai. Munyi tu nyadi ketegal putar dilah enggau mulut lebuh ngesuhka munyi jaku.

 Munyi jaku ti disekat dalam pejalai iya ti deka pansut ari rumbang nyawa tauka rumbang idung dikumbai kitai konsonan. Kelimpah ari nya, munyi vokal nyadi ketegal angin enda tesekat lebuh deka pansut ari silak rumbang nyawa tauka lubang idung.